শিৱসাগৰত দিখৌনদীত জাপ দিলে বৃদ্ধাই

শিৱসাগৰৰ পৰা কল্যাণ জ্যোতি বুঢ়াগোহাঁইৰ প্রতিবেদন :

শিৱসাগৰৰ দিখৌ দলঙৰ পৰা শনিবাৰে পুৱা ৯ মান বজাত এগৰাকী বৃদ্ধাই জাপ দি আত্মহত্যা কৰে। দলঙৰ ওপৰত নিজৰ ছেণ্ডেল খুলি পকী দলঙৰ পৰা জাপ মাৰে বৃদ্ধা গৰাকীয়ে। স্থানীয় লোকে বাঁহ পেলাই দি মহিলা গৰাকীক বচাবলৈ চেষ্ঠা কৰিছিল যদিও মহিলা গৰাকীয়ে বাঁহ ডাল ধৰাৰ পৰিবৰ্তে আঁতৰাই দিয়ে আৰু মুহূত্ততে পানীত বুৰ যায়।

ঘটনাৰ সন্দৰ্ভত সিৱসাগৰত তীব্ৰ চাঞ্চল্যৰ সৃষ্টি হৈছে। বৰ্তমানলৈকে চিনাক্ত হোৱা নাই মহিলা গৰাকী। এচ ডি আৰ এফ, এন ডি আৰ এফে দিখৌ নদীত উদ্ধাৰ অভিযান চলাই আছে।