হোজাইৰ নখুটীত দিন দুপৰতেই অচিনাক্ত দুৰ্বৃত্বৰ অপহৰণ চেষ্টা ১২ বছৰীয়া কিশোৰক 

হোজাইৰ পৰা মনোজ কুমাৰ পাঠকৰ প্রতিবেদন : 

হোজাই জিলাৰ নখুটীত শুকুৰবাৰে সংঘটিত হয় এক অপহৰণৰ ঘটনা। জানিব পৰা মতে,হোজাইৰ লংকাৰ নখুটিৰ ১নং খাগৰিজানৰ আমিনুল হকৰ ১২ বছৰীয়া পুত্ৰ ছোৱেল আহমেদ নামৰ কিশোৰটিক শুকুৰবাৰে আবেলি চাৰি মান বজাত কিশোৰটিয়ে খেলা-ধূলা কৰি আহি থকা অৱস্হাত ৰঙা মাৰুতি গাড়ীৰে অহা তিনি দুৰ্বৃত্তই গাডীত ভৰাই কিছু দূৰ লৈ যায় যদিও কিশোৰটিয়ে কৌশলেৰে গাড়ীৰ পৰা ওলাই পলাই সাৰিবলৈ সক্ষম হয় ।এই ঘটনাত কিশোৰটি কিছু পৰিমাণে আঘাতপ্ৰাপ্ত হোৱাত বৰ্তমানে চিকিৎসাধীন হৈ আছে কিশোৰজন |  পিছত ঘটনাসন্দৰ্ভত পৰিয়ালৰ লোকে অৱগত হৈ নখুটী থানাত দাখিল কৰিছে এক এজাহাৰ ।কিন্তু উক্ত ঘটনাৰ লগত জড়িত কোনো পক্ষকে বৰ্তমানলৈ আটক কৰিব পৰা নাই আৰক্ষীয়ে। ঘটনাটোক কেন্দ্ৰ কৰি বৰ্তমানেও সমগ্ৰ অঞ্চলজুৰি এক চেপা উত্তেজনাই বিৰাজ কৰিছে।