বঙাইগাঁৱত ড্ৰাগছ ব্যৱসায়ী আটক

বঙাইগাঁওঃ

বঙাইগাঁও আৰক্ষীয়ে শুকুৰবাৰে এক গোপন সূত্ৰৰ পম খেদি এজন ড্ৰাগছ ব্যৱসায়ীক আটক কৰে ৷ হাপাচাৰাৰ পৰা আটক কৰা ড্ৰাগছ ব্যৱসায়ীটোৰ নাম ফুল বাবু হক ( ২৫) ৷ ধৃত ফুল বাবু হকে আৰক্ষীৰ জেৰাত নিজে ড্ৰাগছ সেৱন কৰাৰ লগতে শেহতীয়াকৈ ড্ৰাগছৰ ব্যৱসায়ত জড়িত হৈ পৰা বুলি স্বীকাৰ কৰিছে বুলি আৰক্ষী সূত্ৰই প্ৰকাশ কৰিছে ৷ উল্লেখ্য বঙাইগাঁও আৰক্ষীয়ে শুকুৰবাৰে বিয়লিৰ ভাগত যুৱকজনক আটক কৰে আৰু বঙাইগাঁও থানালৈ আনি সোধ- পোচ অব্যাহত ৰাখিছে ৷ উল্লেখ্য যে  আৰক্ষীৰ দলটো অসামৰিক পোছাকত গৈছিল ৷