লংকাৰ হংকং মাৰ্কেটত গুৰুতৰভাবে আহত অৱস্হাত এজন লোকক উদ্ধাৰ 

হোজাইৰ পৰা মনোজ কুমাৰ পাঠকৰ প্রতিবেদন :

দূৰ্গা পূজাৰ মহা অষ্টমীৰ দিনাই হোজাই জিলাৰ লংকাৰ হংকং মাৰ্কেটত নিশা  লেবেজান অৱস্হাত এজন ব্যক্তিক উদ্ধাৰ কৰা ঘটনাই অঞ্চলজুৰি চাঞ্চল্যৰ সৃষ্টি কৰিছে। ব্যক্তিজনক কোনো লোকে চোকা অষ্টৰে হত্যা কৰাৰ চেষ্টা কৰা বুলি সন্দেহ কৰা হৈছে। নাম চন্দন চক্ৰৱৰ্তী।মাটিত তেজেৰে লুটুৰি-পুতুৰী হৈ পৰি থকা অৱস্হাত স্হানীয় ৰাইজে প্ৰত্যক্ষ কৰি লংকা চিকিৎসালয়লৈ প্ৰেৰণ কৰে যদিও পিছত উন্নত চিকিৎসাৰ বাবে ব্যক্তিজনক নগাৱলৈ প্ৰেৰণ কৰে। আনহাতে আহত চন্দন চক্ৰৱৰ্তী সুৰা সেৱন কৰি মাতাল অৱস্হাত আছিল যদিও চন্দনৰ মুৰত গুৰুতৰ আঘাতৰ চিন পোৱা গৈছে ।
কোনে আক্ৰমন কৰিলে সেয়া বৰ্তমানলৈকে জানিব পৰা হোৱা নাই। লংকা আৰক্ষীয়ে বর্তমানেও তদন্ত অব্যাহত ৰাখিছে ।