নলবাৰী হৰিমন্দিৰ দুৰ্গোৎসৱত ভক্তৰ ভিৰ:আকৰ্ষণৰ কেন্দ্ৰবিন্দু 'মানুহৰ প্ৰতিমা'

নলবাৰীৰ পৰা হেমন্ত কলিতাৰ প্রতিবেদন :

আজি দুৰ্গোৎসৱৰ মহানৱমী।ৰাজ্যৰ বিভিন্ন অঞ্চলত আয়োজন কৰাৰ সমান্তৰাৰলকৈ নলবাৰী জিলাৰ ঐতিহ্যমণ্ডিত শ্ৰীশ্ৰী হৰিমন্দিৰ প্ৰংগণতো প্ৰতিবছৰৰ দৰে এইবেলিও উদযাপিত হৈছে দুৰ্গোৎসৱ ৷দুৰ্গোৎসৱৰ পূজাথলীত  পুৱাৰে পৰা ভক্তৰ সমাগম ঘটিছে। দুৰ্গা পূজা উপলক্ষে  জনসাধাৰণৰ মাজত ব্যাপক উৎসাহ পৰিলক্ষিত হৈছে।আটকধুনীয়াকৈ সজাই তোলা পূজা মণ্ডপসমূহত  গধূলি আৰু নিশা জনতাৰ যথেষ্ট সমাগম হৈছে।

আনহাতে,শ্ৰীশ্ৰী হৰিমন্দিৰ দুৰ্গোৎসৱত এইবাৰ আকৰ্ষণৰ কেন্দ্ৰ হৈ পৰিছে চৈতন্য দুৰ্গা মণ্ডপত প্ৰজাপিতা ব্ৰহ্মাকুমাৰী ঈশ্বৰীয় বিশ্ববিদ্যালয়ৰ দ্বাৰা প্ৰদৰ্শন কৰা মানুহৰ প্ৰতিমাসমূহ।সকলোকে মুগ্ধ কৰা পৰিলক্ষিত হৈছে এই জীৱন্ত প্ৰতিমাসমূহে।