জাজৰি আৰক্ষীয়ে গ্ৰেপ্তাৰ কৰিলে দুৰ্ধৰ্ষ ম'বাইল চোৰক 

বটদ্ৰবাৰ পৰা নিপন নাথৰ প্রতিবেদন :

দুৰ্গা পূজাৰ আনন্দ উলাসৰ মাজতেই নগাঁওৰ জাজৰি আৰক্ষীয়ে কৰায়ক্ত কৰিবলৈ সক্ষম হয় এটা দুৰ্ধৰ্ষ ম'বাইল চোৰক। ধৃত চোৰটো জাজৰি আজাদপতিৰ মহিবুৰ ৰহমান বুলি জানিব পৰা গৈছে।বহি:ৰাজ্য কেৰেলাৰ পৰা বহুকেইটা ম'বাইল চুৰি কৰি অনা ঘটনাৰ লগত জড়িত মহিবুৰক আৰক্ষীয়ে গোপন সূত্ৰৰ পম খেদি জালত পেলাবলৈ সক্ষম হয়।

আৰক্ষীয়ে ধৃত ম'বাইল চোৰটোৰ পৰা ৭ টা ম'বাইল ফোনৰ উপৰি ১৭ টাকৈ মোবাইল ক'ভাৰ জব্দ কৰিবলৈ সক্ষম হয়।মহিবুৰ বহু আগৰ পৰাই এনে কাৰ্য্যত জড়িত হৈ আছিল বুলি জানিব পৰা গৈছে।ইতিমধ্যে জাজৰি আৰক্ষীৰ ফালৰ পৰা এটা গোচৰ পঞ্জীয়ন কৰি জেললৈ প্ৰেৰণ কৰিছে মহিবুৰক।