চৰাইদেউ জিলা পৰিষদৰ কাৰ্যালয়ৰ সন্মুখত গ্ৰামোন্নয়ন কৰ্মচাৰীৰ অৱস্থান ধৰ্মঘট 

সোণাৰিৰ পৰা ঘন বৰাৰ প্রতিবেদন :

পঞ্চায়ত আৰু গ্ৰামোন্নয়ন ঠিকাভিত্তিক কৰ্মচাৰী পৰিষদৰ চৰাইদেউ জিলা সমিতিৰ উদ্যোগত চাকৰি সুনিশ্চিত কৰাৰ লগতে নিয়মীয়া কৰণৰ দাবীত বুধবাৰে ঠিকাভিত্তিক কৰ্মচাৰী সকলে অৱস্থান ধৰ্মঘট কাৰ্যসূচী পালন কৰি নিজ কৰ্মৰ পৰা বিৰত থাকে। উল্লেখ্য যে এই সকল লোকে চাকৰি সুনিশ্চিত কৰাৰ লগতে নিয়মীয়া কৰণ কৰা, চাকৰি নিয়মীয়া কৰণ নোহোৱালৈকে স্থায়ী কৰ্মচাৰী সকলে পোৱা বেতনৰ সমহাৰত গ্ৰেড পে দিয়া, স্কেল পে দিয়া, নিয়মীয়া কৰ্মচাৰীসকলে পোৱা সকলো সা-সুবিধা প্ৰদান কৰাৰ দাবীত এই কাৰ্যসূচী পালন কৰা হয়।
কৰ্মচাৰীসকলৰ দাবী নামানিলে পৰৱৰ্তী সময়ত তীব্ৰ আন্দোলন  কৰাৰো হুংকাৰ দিয়ে ।