নলবাৰীত পথ দুৰ্ঘটনা: বৰপেটাৰোডৰ বিশিষ্ট ব্যৱসায়ীৰ থিতাতে মৃত্যু

বৰপেটাৰোডৰ পৰা ৰঞ্জিত তালুকদাৰ

নলবাৰীত আজি সংঘটিত এটা পথ দুৰ্ঘটনাত এজন লোকৰ মৃত্যু হোৱাৰ লগতে তিনিজন লোক গুৰুতৰভাৱে আহত হয়।মৃত্যু হোৱা লোকজন বৰপেটাৰোডৰ বিশিষ্ট ব্যৱসায়ী কলহভাংগাৰ প্ৰদীপ সাহা ওৰফে ভেম্বল সাহা।সাহাৰ চিৰাৰ উদ্যোগ আছিল৷বুধবাৰে পুৱা প্ৰদীপ সাহাই তেওঁৰ বন্ধু বিপিএফ দলৰ নেতা খনীন্দ্ৰ ব্ৰহ্ম ওৰফে গাবলাৰ লগতে আৰু দুজনৰ সৈতে এখন চাৰিচকীয়া বাহনেৰে গুৱাহাটীলৈ গৈ থাকোতে এখন ট্ৰাকৰ লগত সংঘৰ্ষ  হয়।বাকী তিনিজনক সংকটজনক  অৱস্থাত সম্প্ৰতি চিকিৎসালয়ত ভৰ্তি কৰোৱা হৈছে ৷