গোলাঘাটত কৰ্কট ৰোগৰ চিকিৎসালয় স্থাপনৰ ঘোষণা স্বাস্থ্যমন্ত্ৰীৰ

গোলাঘাটত স্থাপন হ'ব কৰ্কট ৰোগ চিকিৎসালয় ৷ আজি গোলাঘাট চহৰৰ সমন্বয় ক্ষেত্ৰত দেশৰ ৭২সংখ্যক স্বাধীনতা দিৱসত অংশগ্ৰহণ কৰি ৰাজ্য চৰকাৰৰ বিত্ত তথা স্বাস্থ্য আৰু পৰিয়াল কল্যাণ মন্ত্ৰী হিমন্ত বিশ্ব শৰ্মাই এই ঘোষণা আগবঢ়ায় ৷

গোলাঘাটবাসীৰ বিশেষ প্ৰয়োজনীয়, জনসাধাৰণৰ স্বাস্থ্য সুৰক্ষাৰ প্ৰতি সঁহাৰি জনাই মাৰাত্মক কেন্সাৰ ৰোগৰ চিকিৎসাৰ বাবে এখনি কৰ্কট ৰোগৰ চিকিৎসালয় স্থাপনৰ ঘোষণাই গোলাঘাটৰ ৰাইজৰ বহুদিনীয়া অভাৱ পূৰণ কৰিলে ৷

স্বাধীনতা দিৱস উপলক্ষে ৰাষ্ট্ৰীয় পতাকা উত্তোলন কৰি ৰাইজক উদ্দেশ্যি দিয়া ভাষণত স্বাস্থ্যমন্ত্ৰীগৰাকীয়ে লগতে কেন্দ্ৰীয় চৰকাৰে জনকল্যাণৰ অৰ্থে গ্ৰহণ কৰা আঁচনিসমূহৰ প্ৰতিও জনগণক অৱগত কৰাই আঁচনিসমূহৰ সুবিধা ল'বৰ বাবেও আহ্বান জনায় ।

বিগত বৰ্ষত কেন্দ্ৰীয় আৰু ৰাজ্য চৰকাৰৰ উন্নয়নমূলক কাম-কাজৰ খতিয়ান দাঙি ধৰি জাতিৰ স্বাৰ্থৰ প্ৰতি সক্ৰিয় ভূমিকাৰে উগ্ৰ জাতীয়তাবাদী মনোভাব বৰ্জনৰো আহ্বান জনায় মন্ত্ৰী হিমন্ত বিশ্ব শৰ্মাই ।