শিক্ষক তথা যুৱ লেখক জিতুল বৰালৈ ৰাষ্ট্ৰীয় সন্মান

নিউজ ডেস্কঃ মাজুলীৰ ৬৫ নং বালিচাপৰি প্ৰাথমিক বিদ্যালয়ৰ প্ৰধান শিক্ষক তথা যুৱ লেখক জিতুল বৰালৈ "India star passion award-2019" -for writing and educational work সন্মান লাভ কৰিছে। বৰাই শিক্ষকতা  বৃত্তিৰ সমান্তৰালকৈ বিভিন্ন বাতৰি কাকততো কেইবাবছৰো নিৰবচ্ছিন্নভাবে মননশীল লেখা লিখি আহিছে। বৰাই ইয়াৰ পূৰ্বে কহিনুৰ বুক ৰেকড্ ৰ অশংগ্ৰহনকাৰী, আম্বেডকাৰ ফেলশ্চিপ সন্মান, সমতা সাহিত্য অকাডেমি ৰ পৰা শিক্ষক ৰত্ন সন্মান লাভ কৰিছে। কম সময়ৰ ভিতৰতে জিতুল বৰাই পাঠক সমাজৰ মাজত লেখক হিচাপে সমাদৰ   লাভ কৰিবলৈ সক্ষম হৈছে। উল্লেখযোগ্য যে জিতুল বৰা উত্তৰ-পশ্চিম যোৰহাটৰ খঙীয়াচুক গাঁৱৰ পুতুল বৰা আৰু ফুলমাই  বৰাৰ সন্তান। বৰাৰ এনে সাফল্যত কৰ্মস্থান মাজুলীৰ লগতে জন্মস্থান যোৰহাটতত আনন্দৰ বন্যা বৈছে আৰু বিভিন্ন দল-সংগঠনে শুভেচ্ছা জনাইছে।