কিয় প্ৰাক্তন ৰাষ্ট্ৰপতি প্ৰণৱ মুখাৰ্জীয়ে নৰেন্দ্ৰ মোডীক মিঠাই খুৱালে ?

লোকসভাৰ নিৰ্বাচনত বিজেপিৰ বৃহৎ সফলতাৰ পিছত মঙলবাৰে পুৱাই প্ৰধানমন্ত্ৰী নৰেন্দ্ৰ মোডীয়ে সাক্ষাৎ কৰে দেশৰ প্ৰাক্তন ৰাষ্ট্ৰপতি প্ৰণৱ মুখাৰ্জীক। প্ৰাক্তন ৰাষ্ট্ৰপতিগৰাকীয়ে মোডীক লোকসভাৰ নিৰ্বাচনৰ বিজয়ৰ অভিনন্দন জনায়।লগতে তেওঁ মোডীক মিঠাই খুৱাই শুভেচ্ছা জনায়।

আনহাতে,প্ৰধানমন্ত্ৰী মোডীয়ে প্ৰাক্তন ৰাষ্ট্ৰপতিগৰাকীক সাক্ষাৎ কৰি নিজৰ টুইটাৰত উল্লেখ কৰে- 'প্ৰণৱদাৰ সাক্ষাতে মোক সদায় সমৃদ্ধ কৰি আহিছে।তেওঁৰ জ্ঞান আৰু দূৰদৰ্শিতাৰ পৰিসৰ অতুলনীয়।তেওঁ এনে এজন ব্যক্তি যি দেশৰ বাবে অনুকৰণীয় অৱদান আগবঢ়াইছে।আজি মই তেওঁক সাক্ষাৎ কৰি তেওঁৰ পৰা আশীৰ্বাদ লৈছোঁ।'