জম্মু-কাশ্মীৰত নিহত ৪ সন্ত্ৰাসবাদী

জম্মু-কাশ্মীৰৰ শ্বপিয়ান জিলাত সুৰক্ষা বাহিনীৰে হোৱা সংঘৰ্ষত ৪টা সন্ত্ৰাসবাদী নিহত হৈছে ৷ সেনাবাহিনীৰ সূত্ৰত এই কথা প্ৰকাশ ৷ এই ৪টাৰ সৈতে শুকুৰবাৰে নিশাৰ পৰা সেনাবাহিনীয়ে চলোৱা অভিযানত নিহত সন্ত্ৰাসবাদীৰ সংখ্যা ৫টালৈ বৃদ্ধি পালে ৷

সন্ত্ৰাসবাদীৰ বিৰুদ্ধে অভিযান এতিয়াও চলি আছে ৷ চোৰাংচোৱা বাহিনীৰ পৰা পোৱা বিশেষ তথ্যৰ ভিত্তিত সুৰক্ষা বাহিনীয়ে শুকুৰবাৰৰ নিশা এই অভিযান চলাইছিল ৷ সন্ত্ৰাসবাদী বিচাৰি চলোৱা অভিযানত সন্ত্ৰাসবাদীকেইটাই সেনাৰ ওপৰত অতৰ্কিতে গুলীচালনা কৰাত সেনাবাহিনীয়েও গুলীৰে প্ৰত্যুত্তৰ দিয়াত এই সন্ত্ৰাসবাদীকেইটা নিহত হোৱা বুলি চৰকাৰী সূত্ৰই প্ৰকাশ কৰিছে ৷