ফিল'বাৰীত জ্বলিল সৰ্বানন্দৰ প্ৰতিকৃতি

ৰাজ্যজুৰি সদৌ অসম ছাত্ৰ সন্থাৰ প্ৰতিবাদ নলবাৰীত আছু কৰ্মীক কৰা আক্ৰমন লগতে আছুৰ পতাকা ভৰিৰে মোহাৰা কাৰ্যক ধিক্কাৰ জনাই ফিল'বাৰীত জ্বলিল সৰ্বানন্দ সোণোৱাল আৰু ৰঞ্জিত দাসৰ প্ৰতিকৃতি৷ এনে কাৰ্যৰ জৰিয়তে অসমৰ ৰাইজক ভয় খুৱাব বিচৰা হৈছে৷

এনে দাদগিৰি ওফৰাবলৈ ৰাইজক বেছি সময় নালাগিব বুলি কোৱাৰ লগতে সভাপতি-সম্পাদকে কয় যে নাগৰিকত্ব সংশোধনী বিধেয়কৰ বাবে হোৱা পৰিস্থিৰ ভয়ত তেওঁলোকৰ মগজুৱে কাম কৰা নাই৷ ক্ষমতাত বলিয়া হৈ এনে কাৰ্য কৰাক লৈ তীব্ৰ বিৰোধ কৰিছে ফিল'বাৰী আছুৱে৷ যি খন মঞ্চৰ পৰা সৰ্বানন্দ সোণোৱালে আজি এই স্থান পাইছে সেইখন মঞ্চৰ পতাকা ভৰিৰে মোহাৰাক বিজেপিৰ পোহনীয়া নেতাসকলক সকিয়াই দিয়াৰ লগতে তেওঁলোকক ক'লা পতাকাৰ ভূতে খেদি আছে বুলি কয়৷