জাতিধ্বংসী বিধেয়ক বাতিলৰ দাবীত জয়পুৰত জোঁৰ সমদল

নাহৰকটীয়াৰ পৰা সমীৰণ বৰুৱা

আজি সন্ধিয়া ৬ বজাত নাহৰকটীয়াৰ জয়পুৰত কৃষক মুক্তি সংগ্ৰাম সমিতিৰ উদ্যোগত আৰু জাতীয়তাবাদী যুৱ-ছাত্ৰ পৰিষদৰ সহযোগত নাগৰিকত্ব সংশোধনী বিধেয়ক, ২০১৬ বাতিলৰ দাবীত এক বিশাল প্ৰতিবাদী জোঁৰ সমদল উলিওৱা হয়৷

এই সমদলে জয়পুৰৰ ৰাজহুৱা খেলপথাৰৰ পৰা আৰম্ভণি কৰি সমগ্ৰ জয়পুৰ চহৰখন পৰিভ্ৰমণ কৰি শেষত জয়পুৰ চাৰিআলিত সমাবেত হৈ নাগৰিকত্ব সংশোধনী বিধেয়ক, ২০১৬ৰ প্ৰতিলিপি আৰু সৰ্বানন্দ সোণোৱালৰ প্ৰতিকৃতি দাহ কৰে৷

উল্লেখ্য যে এই প্ৰতিবাদৰ সময়ছোৱাত প্ৰায় শতাধিক পুৰুষ মহিলা সমবেত হৈ চৰকাৰবিৰোধী বিভিন্ন শ্লোগানেৰে জয়পুৰৰ আকাশ-বতাহ কঁপাই তোলে৷