বাংগালুৰুৰ পৰা ঘৰলৈ ওভতাৰ পথত সোণাৰিৰ যুৱক নিৰুদ্দেশ

সোণাৰিৰ পৰা ঘন বৰা

চৰাইদেউ জিলাৰ সোণাৰি আৰক্ষী থানাৰ অন্তৰ্গত মিৰিপথাৰ গাঁৱৰ দিগন্ত গগৈৰ পুত্ৰ ভাস্কৰ গগৈ (২৮) নিৰুদ্দেশ। উল্লেখ্য যে ভাস্কৰ গগৈয়ে বাংগালুৰুত কেইবাবছৰো ধৰি কোম্পানীত কৰ্মৰত আছিল। কিছুদিনৰ পৰা ভাস্কৰ গগৈ শাৰীৰিকভাৱে অসুস্থ আছিল৷ বাংগালুৰুত ভাস্কৰে চিকিৎসা কৰাইছিল যদিও আৰোগ‍্য নোহোৱাত ভাস্কৰ ঘৰলৈ যোৱা ১৫ জানুৱাৰীত বাংগালুৰুৰ চিটী ৰে'লৱে' ষ্টেচনৰ পৰা ২২৫০১ নম্বৰৰ বাংগালুৰু-তিনিচুকীয়া এক্সপ্ৰেছেৰে অসমলৈ আহি থকাৰ পথতে নিৰুদ্দেশ হয়। বৰ্তমান সময়লৈকে ভাস্কৰ গগৈ গাঁৱৰ ঘৰ আহি নোপোৱাত ঘৰখনৰ পৰিয়ালৰ লোকৰ লগতে গাঁওবাসীও চিন্তাত পৰিছে।