মঙলদৈত ক'লা পতাকা, অৰ্ধ উলংগ প্ৰতিবাদৰ সন্মুখীন মুখ্যমন্ত্ৰী সোণোৱাল

মঙলদৈৰ পৰা উজ্বলজ্যোতি ডেকা
অসম চৰকাৰৰ সাংস্কৃতিক সঞ্চালকালয়ৰ উদ্যোগত আৰু দৰং জিলা প্ৰশাসনৰ সহযোগত আজি অনুষ্ঠিত হোৱা শিল্পী দিৱসৰ কাৰ্যসূচীত অংশগ্ৰহণ কৰিবলৈ আহি ৰাজ্যৰ অন্যান্য প্ৰান্তৰ লগতে মঙলদৈটো ব্যাপক প্ৰতিবাদৰ সন্মুখীন হ'বলগীয়া হয় মুখ্যমন্ত্ৰী সবাৰ্নন্দ সোনোৱাল।

মঙলদৈ জিলা পুথিভঁৰাল প্ৰেক্ষাগৃহত অনুষ্ঠিত হোৱা কাৰ্যসূচীত অংশগ্ৰহণ কৰিবলৈ বিয়লি ৪ বজাত প্ৰেক্ষাগৃহত উপস্থিত হোৱাৰ সময়তে বৃহত্তৰ অসমীয়া যুৱ মঞ্চ, যুৱ-ছাত্ৰ পৰিষদ আৰু কৃষক মুক্তি সংগ্ৰাম সমিতিৰ নেতা-কৰ্মীসকলে ক'লা পতাকা প্ৰদৰ্শন কৰাৰ লগতে অৰ্ধ উলংগ হৈ প্ৰতিবাদ সাব্যস্ত কৰে। আৰক্ষীয়ে যুৱ-ছাত্ৰ পৰিষদৰ ভৱেশ কাকতি, হিমাদ্ৰী কুমাৰ শৰ্মা, জয়ন্ত শৰ্মা, বৃহত্তৰ অসমীয়া যুৱ মঞ্চৰ বিপুল মহন্ত আৰু কৃষক মুক্তিৰ মদন ডেকাক আটক কৰে।