গৰীয়াজানত তিনি সন্তানৰ মাতৃৰ মৃতদেহ উদ্ধাৰ

গোলাঘাটৰ পৰা মীনাক্ষী ফুকন
গোলাঘাট জিলাৰ খুমটাই সমষ্টিৰ গৰীয়াজান চাহ বাগিচাত আজি উদ্ধাৰ হয় তিনি সন্তানৰ মাতৃৰ মৃতদেহ৷ শৌচাগাৰৰ টেংকিত বস্তাৰে মেৰিয়াই থোৱা অৱস্থাত উদ্ধাৰ হোৱা মৃতদেহটো বাগিচাখনৰে আৰতি ভূঞাৰ ।

স্থানীয় লোকে উল্লেখ কৰিছে যে ৩১ ডিচেম্বৰৰ পৰা সন্ধানহীন হৈ থকা মহিলাগৰাকীৰ বাগিচাখনৰ বুবু তাঁতি ওৰফে মুগু নামৰ ২৫ বছৰীয়া যুৱকজনৰ সৈতে অবৈধ সম্পৰ্ক আছিল। যাৰ পৰিণতিত এই হত্যাকাণ্ডটো সংঘটিত হয়। মৃতদেহ উদ্ধাৰৰ পিছত স্থানীয় লোকে মুগুক ধৰি উত্তম-মধ্যম দি আৰক্ষীক চমজাই দিয়ে।