চাপৰৰ ভাৰত পেট্ৰ'ল পাম্পত পেট্ৰ'ল-ডিজেলত কেৰাচিন তেল ভেজাল  

বিলাসীপাৰাৰ পৰা জহিৰুল ইছলাম
ধুবুৰী জিলাৰ চাপৰৰ ৰৌমাৰীস্থিত কোৱালিফাইড এনাৰ্জী ষ্টেচনত পুৱাই লাগিল হাহাকাৰ। একাংশ ক্ষুব্ধ ৰাইজে সোমবাৰে পুৱা বন্ধ কৰিলে পেট্ৰ'ল-ডিজেলৰ বিক্ৰী । অভিযোগ মতে এই পেট্ৰ'ল ডিপোটোত দীৰ্ঘ দিনৰ পৰা চলাই আহিছে পেট্ৰল-ডিজেলত কেৰাচিন তেল মিহলি কৰাৰ প্ৰক্ৰিয়া । তেল ডিপোটোত ইন্ধন ভৰাই বহুতো বাহন বিকল হোৱাৰ অভিযোগ ভুক্ত ভোগী ৰাইজৰ । সোমবাৰে পুৱা ট্ৰেক্টৰ এখনত ডিজেল ভৰাবলৈ আহি গ্ৰাহকে ধৰা পেলালে কেৰাচিন তেল মিহলি কৰাৰ প্ৰক্ৰিয়া । ইয়াক লৈ হুলস্থুলীয়া পৰিবেশ ডিপোটোত । ৰাইজৰ দাবী অতি শীঘ্ৰে তদন্ত কৰি পেট্ৰ'ল ডিপোটো বন্ধ কৰিব লাগে ।