বিশ্বনাথত মাটিত পুতি ৰখা মৃতদেহ উদ্ধাৰ

বিশ্বনাথ চাৰিআলিৰ পৰা ভাস্কৰ দাস

বিশ্বনাথৰ বালিপুখুৰীত পথৰ কাষত পুতি ৰখা অৱস্থাত উদ্ধাৰ ৬০ ঊৰ্ধৰ এগৰাকী মহিলাৰ মৃতদেহ । দণ্ডাধীশৰ উপস্থিতিত আৰক্ষীয়ে গাঁত খান্দি উদ্ধাৰ কৰিছে মৃতদেহটো । এতিয়ালৈ চিনাক্ত নোহোৱা মৃতদেহটোক লৈ তীব্ৰ চাঞ্চল্য সমগ্ৰ অঞ্চলত । এজন লোকে গৰু চৰাব গৈ ৰহস্যজনকভাৱে কম্বলেদি মেৰিয়াই মাটিত পুতি ৰখা অৱস্থাত প্ৰত্যক্ষ কৰাতে পোহৰলৈ আহে এই ঘটনা । ইতিমধ্যে জিনজিয়া আৰক্ষীয়ে ঘটনাক লৈ তদন্ত অব্যাহত ৰাখিছে যদিও পোহৰলৈ অহা নাই কি কাৰণে কোনে কিয় সংঘটিত কৰিছে এই ঘটনা । আৰক্ষীৰ অনুসন্ধানতহে ওলাব ঘটনাৰ প্ৰকৃত ৰহস্য ।