নগাঁৱৰ গেদাৰবড়ী শৰীৰ চৰ্চা কেন্দ্ৰৰ বাৰ্ষিক অধিৱেশন সম্পন্ন

নগাঁৱৰ পৰা ঋতুপৰ্ণ শৰ্মা
"এটা সুস্থ শৰীৰেহে এটা সুস্থ মনৰ সৃষ্টি কৰে" এই বাক্যশাৰী সাৰোগত কৰি নগাঁৱৰ ২নং গেদাৰবড়িত বিগত ৩৯ বছৰে চলি আছে এটি শৰীৰ চৰ্চা কেন্দ্ৰ । নগাঁও জিলাৰ বেবেজীয়াৰ সমীপৰ ২নং গেদাৰবড়িত বিগত বছৰৰ দৰে এই বছৰো শৰীৰ চৰ্চা কেন্দ্ৰটিৰ বাৰ্ষিক অধিবেশনখনি দুদিনীয়া বৰ্ণাঢ্য কাৰ্য্যসুচীৰে উদযাপন কৰা হয় ।

শনিবাৰে অন্তিম দিনাৰ কাৰ্যসূচীৰ অংশৰূপে পুৱা ভাগত এক বিনামুলীয়া চিকিৎসা শিৱিৰ অনুষ্ঠিত কৰা হয় । ইয়াৰ পাছতে কণ কণ ছাত্ৰ-ছাত্ৰীসকলৰ মাজত বিভিন্ন প্ৰতিযোগিতা অনুষ্ঠিত কৰা হয় । অসমীয়া বোলছবি জগতৰ অভিনেতা ৰাগ ঐনিতমে উদ্বোধন কৰা নিশাৰ সাংস্কৃতিক কাৰ্যসূচীত 'জুনিয়ৰ জুবিন' খ্যাত শুকমনি দেউৰী আৰু কেইবাজনো কণ্ঠশিল্পীৰ গীত পৰিৱেশন কৰে ।

শৰীৰ চৰ্চা কেন্দ্ৰৰ প্ৰশিক্ষাৰ্থী উক্ত অনুষ্ঠানতে নিজৰ দেহাৱয়ব প্ৰদৰ্শন কৰে । উক্ত অনুষ্ঠানত শতাধিক ৰাইজৰ উপস্থিতি পৰিলক্ষিত হয় ।