সোণাৰিৰ চিংল পথাৰত মৃত হাতী উদ্ধাৰ

সোণাৰিৰ পৰা ঘন বৰা

সোণাৰিৰ চিংল পথাৰ ১নং লাইনত মৃত অৱস্হাত এটা বনৰীয়া হাতী উদ্ধাৰ হোৱাৰ ঘটনাই তীব্ৰ চাঞ্চল্যৰ সৃষ্টি কৰিছে । চিংল খণ্ড বন বিষয়া কাৰ্যালয়ৰ অন্তৰ্গত পকা ধাননি পথাৰত বনৰীয়া হাতীয়ে পকাধান খাবলৈ অহাত অঞ্চলটোৰ ৰাইজে অবৈধভাৱে সংযোগ কৰা বিদ্যুতৰ তাঁৰত লাগি হাতীটো মৃত্যু হোৱাৰ সন্দেহ প্ৰকাশ কৰিছে বন বিভাগে ।

অভয়পুৰ সংৰক্ষিত বনাঞ্চলৰ পৰা জাকে জাকে বনৰীয়া হাতী ওলাই আহি উক্ত অঞ্চলৰ পকাধান খাই তহিলং কৰি আহিছে যদিও বন বিভাগে কোনোধৰণৰ পদক্ষেপ গ্ৰহণ কৰা নাই বুলি অভিযোগ উত্থাপিত হৈছে ।