মৰিগাঁৱত মহিলা ''বাবা''ক লৈ ৰহস্য 

মৰিগাঁৱৰ পৰা জিতুমনি নাথ

ডিজিটেল ইণ্ডিয়াৰ প্ৰভাৱে যে এতিয়াও সাধাৰণ মানুহক স্পৰ্শ কৰিব নাই সেই কথা প্ৰমাণ কৰিছে মৰিগাঁৱৰ এক ঘটনাই । বিজ্ঞান-প্ৰযুক্তি আগবাঢ়িলেও মানুহৰ মানসিক বিকাশ নঘটাৰ ঘটনাটো সংঘটিত হৈছে মৰিগাওঁ জিলা জালুগুটিৰ মাছখোৱাত । বৰ্ণালী ডেকা নামৰ মহিলাগৰাকীৰ গাত শিৱ লম্ভা বুলি এক প্ৰচাৰ চলাই অঞ্চলটোৰ ৰাইজে দিনে-নিশাই মহিলাগৰাকীৰ ঘৰত আৰম্ভ কৰিছে নাম-কীৰ্তন ।

ইয়াৰ মাজতে তেওঁৰ কাষলৈ সমিধান বিচাৰি অহা লোকসকলক দিয়ে বিভিন্ন সমাধান । নাম-কীৰ্তনৰ তালে তালে নাচি-বাগি তেওঁৰ ওচৰলৈ অহা ৰোগৰ নিৰাময় বিচৰা লোকসকলক মাটিত বগৰাই বিভিন্ন ভংগীৰে জৰা-ফুকা কৰি এক আতংকময় পৰিবেশ সৃষ্টি কৰে । এই দৃশ্য প্ৰত্যক্ষ কৰি শিশুকে ধৰি একাংশ লোক কম্পমান হ'বলগীয়া পৰিস্থিতিৰ উদ্ভৱ হৈছে ।

কিছু বেমাৰ পাপৰ ফলত হোৱা বুলি অদ্ভূত যুক্তিৰে সমিধান বিচাৰি যোৱা ব্যক্তিজনক কৰি তুলে ব্যতিব্যস্ত । এনেকৈয়ে এক শংকাৰ মাজেৰে দিন অতিবাহিত কৰিবলগাত পৰিছে অঞ্চলবাসীয়ে । ডিজিটেল ইণ্ডিয়াৰ অগ্ৰগতিৰ কথা কৈ অহা চৰকাৰখনে এই কু-সংস্কাৰ আৰু অন্ধবিশ্বাসসমূহ কিদৰে প্ৰতিহত কৰে সেয়াহে হ'ব লক্ষণীয় ।