মাহমৰাত কংগ্ৰেছৰ পঞ্চায়ত নিৰ্বাচনৰ  কুছকাৱাজ

সোণাৰিৰ পৰা ঘন বৰা
আগন্তুক পঞ্চায়ত নিৰ্বাচনক কেন্দ্ৰ কৰি ১০৫ নং মাহমৰা বিধান সভা সমষ্টিত কংগ্ৰেছ দলে আৰম্ভ কৰিছে ব্যাপক নিৰ্বাচনী কুচকাৱাজ।১০৫নং  বিধান সভা সমষ্টি মাহমৰাত অন্যান্য ৰাজনৈতিক দলৰ লগতে কংগ্ৰেছ দলেও আগন্তুক পঞ্চায়ত নিৰ্বাচনৰ প্ৰতি লক্ষ্য ৰাখি আৰম্ভ কৰিছে ব্যাপক নিৰ্বাচনী কুজকাৱাজ।ইয়াৰ এক অংশ হিচাপে আজি মাহমৰাত দলটোৰ এখন সভা অনুষ্ঠিত হয়।

অসম প্ৰদেশ কংগ্ৰেছৰ সম্পাদক সুৰুজ দিহিঙীয়া,জিলা কংগ্ৰেছৰ সম্পাদক দাদুল বৰুৱা আদিৰ উপস্হিতিত কেইবাজনো সক্ৰিয় বিজেপি কৰ্মীয়ে আনুষ্ঠানিক ভাৱে কংগ্ৰেছ দলত যোগদান কৰে।যোগদান কৰা সদস্য কেইজনক একোখনকৈ গামোছাৰে আদৰণি জনাই প্ৰদেশ কংগ্ৰেছৰ সম্পাদক সুৰুজ দিহিঙীয়াই।আনহাতে,প্ৰদেশ কংগ্ৰছৰ সম্পাদক
গৰাকীয়ে দলৰ প্ৰাৰ্থী নিৰ্বাচনৰ প্ৰক্ৰিয়া চলি থকাৰ লগতে বিভিন্ন দলৰ বহু কৰ্মীয়ে যোৱা কেইদিনত কংগ্ৰেছ দলত যোগদান কৰাৰ বিষয়ে জানিবলৈ দিয়ে।