চৰাইদেউ জিলাৰ বিভিন্ন চৰকাৰী আঁচনিৰ খতিয়ান সম্পৰ্কে সংবাদমেল 

সোণাৰিৰ পৰা ঘন বৰা
সমগ্ৰ ৰাজ্যৰ লগতে চৰাইদেউ জিলাত কেন্দ্ৰীয় আৰু ৰাজ্য চৰকাৰৰ দ্বাৰা সম্পাদনা হৈ থকা বিভিন্ন উন্নয়নমুলক আৰু জনকল্যাণ মুলক আঁচনিসমূহৰ সন্দৰ্ভত অলপতে জিলাৰ উপায়ুক্ত বিবেকানন্দ ফুকনে সংবাদমেলৰ জৰিয়তে জানিবলৈ দিয়ে ।

জিলাখনৰ কৃষি, খাদ্য আৰু অসামৰিক যোগান বিভাগ, শিক্ষা, গড়কাপ্তানী, কোষাগাৰ, বন বিভাগ, স্বাস্থ্য আৰু পৰিয়াল কল্যাণ, হস্ত-তাঁত আৰু বস্ত্ৰ, শক্তি বিভাগ, জনস্বাস্হ্য কাৰিকৰী, ৰেচম আৰু মীন বিভাগ আদিৰ বিভাগৰ বিষয়ববীয়াসকলে বিভিন্ন আঁচনিসমূহৰ বিষয়ে সংবাদ মাধ্যমৰ জৰিয়তে জনসাধাৰণক জানিবলৈ দিয়ে । উক্ত সংবাদমেলত অতিৰিক্ত উপায়ুক্ত জিতু কুমাৰ দাস, প্ৰনৱ কুমাৰ বড়া, দীপক কুমাৰ ভুঞা আদি উপস্থিত থাকে।