বিলাসীপাৰাত মৃণাল হাজৰিকা আৰু জিতেন দত্তৰ প্ৰতিকৃতি দাহ

বিলাসীপাৰাৰ পৰা জহিৰুল ইছলাম

তিনিচুকীয়া জিলাৰ ধলাত ৫জন নিৰীহ যুৱকক হত্যাৰ প্ৰতিবাদত বিলাসীপাৰাত শুকুৰবাৰে সন্ধিয়া ৬ বজাত বঙালী যুৱ ছাত্ৰ ফেডাৰেচনৰ আঞ্চলিক সমিতিৰ উদ্যোগত আলফা নেতা মৃণাল হাজৰিকা আৰু জিতেন দত্তৰ প্ৰতিকৃতি দাহ কৰে ।

বিলাসীপাৰা বঙালী যুৱ ছাত্ৰ ফেডাৰেচনৰ আঞ্চলিক সমিতিৰ অৰ্ধশতাধিক যুৱকৰ্মীয়ে আলফাবিৰোধী শ্লোগানেৰে উত্তাল কৰি তোলে পৰিৱেশ । সাংবাদিকৰ সৈতে হোৱা সাক্ষাতত যুৱ আঞ্চলিকৰ সভাপতি ৰাজু সূত্রধৰে তিনিচুকীয়াত ৫গৰাকী নিৰীহ যুৱকৰ হত্যাকাৰীক তীব্ৰ গৰিহণা দিয়ে আৰু পুলিচ প্ৰশাসনক বঙালীসকলৰ নিৰাপত্তা সুনিশ্চিত কৰাৰ বাবে দাবী জনায় ।

উক্ত কাৰ্যসূচীত বঙালী যুৱ ছাত্ৰ ফেডাৰেচনৰ বিলাসীপাৰাৰ সাধাৰণ সম্পাদক নাৰায়ণ স্বৰ্ণকাৰো উপস্থিত থাকি প্ৰতিবাদ সাব্যস্ত কৰে ।