বঙাইগাঁৱত কংগ্ৰেছৰ উদ্যোগত ৰক্তদান শিবিৰ আৰু শ্ৰদ্ধাঞ্জলি অনুষ্ঠান

প্ৰাক্তন প্ৰধান মন্ত্ৰী, ভাৰত ৰত্ন ইন্দিৰা গান্ধীৰ ৩৪সংখ্যক মৃত্যুবাৰ্ষিকী আৰু লৌহ পুৰুষ চৰ্দাৰ বল্লভভাই পেটেলৰ ১৪৩সংখ্যক জন্মজয়ন্তী উপলক্ষে আজি বঙাইগাঁও জিলা কংগ্ৰেছ, সেৱা দল আৰু ইয়ং ব্ৰিগেডৰ উদ্যোগত এক ৰক্তদান শিবিৰৰ আয়োজন কৰে ৷

বঙাইগাঁও অসামৰিক চিকিৎসালয় প্ৰাংগণত আয়োজন কৰা ৰক্তদান শিবিৰত  দহজন কংগ্ৰেছ কৰ্মীয়ে ৰক্তদান কৰে৷ ইপিনে জিলা কংগ্ৰেছ কাৰ্যালয় ৰাজীৱ ভৱনত অনুষ্ঠিত হয় এক শ্ৰদ্ধাঞ্জলি অনুষ্ঠান ৷

অনুষ্ঠানত অসম প্ৰদেশ কংগ্ৰেছ কমিটিৰ সম্পাদক গিৰিশ বৰুৱাই প্ৰয়াত প্ৰধানমন্ত্ৰী ইন্দিৰা গান্ধী আৰু লৌহ পুৰুষ চৰ্দাৰ বল্লভভাই পেটেলৰ প্ৰতিচ্ছবিত শ্ৰদ্ধাঞ্জলি জনায় ৷ অনুষ্ঠানত জিলা কংগ্ৰেছৰ বিষয়ববীয়াসকলো উপস্থিত থাকে ৷