গোলাঘাটত একতাৰ দৌৰ কাৰ্যসূচী

গোলাঘাটৰ পৰা মীনাক্ষী ফুকন

আজি ৰাষ্ট্ৰীয় একতা দিৱস উপলক্ষে বিজেপিৰ গোলাঘাট জিলা সমিতিয়ে একতাৰ বাবে সামূহিক দৌৰ কাৰ্যসূচী অনুষ্ঠিত কৰে । কাৰ্যসূচী অনুসৰি পুৱা ছাত্ৰ-ছাত্ৰীসকলৰ লগতে গোলাঘাটৰ বিভিন্নজনে সামূহিক দৌৰত অংশ লয় ।

চহৰখনৰ মাজেৰে "ভাৰত মাতা কি জয়" শীৰ্ষক একতাৰ শ্লোগানেৰে সকলো ৰাইজকে একতাৰ ডোলেৰে বন্ধাৰ আহ্বান জনায় । অনুষ্ঠানটিত গোলাঘাট জিলা বিজেপিৰ সভাপতি দেৱজিৎ বৰাসহ সকলো দলীয় কৰ্মী উপস্থিত থাকি দৌৰত অংশ লয় ।

উল্লেখ্য যে লৌহমানৱ চৰ্দাৰ বল্লভভাই পেটেলৰ জন্মদিনৰ লগত সংগতি ৰাখি বিজেপিয়ে পালন কৰি আহিছে এই একতাৰ দৌৰ কাৰ্যসূচী ৷

আজিৰ এই কাৰ্যসূচী খুমটাই সমষ্টিৰ বিধায়ক মৃণাল শইকীয়াই ফ্লেগ-অফ্‌ কৰি শুভাৰম্ভ কৰে ।