বিলাসীপাৰা পশ্চিম সমষ্টিৰ যুৱ কংগ্ৰেছৰ বিত্তমন্ত্ৰীৰ প্ৰতিকৃতি দাহ

বিলাসীপাৰাৰ পৰা জহিৰুল ইছলাম

সমগ্ৰ দেশৰ লগতে নামনি অসমৰ ধুবুৰী জিলাৰ ২৬নং বিলাসীপাৰা পশ্চিম সমষ্টিৰ যুৱ কংগ্ৰেছৰ উদ্যোগত আজি বিয়লি ৪ বজাত বিলাসীপাৰা গান্ধীচ'কত কেন্দ্ৰীয় চৰকাৰৰ বিত্তমন্ত্ৰী অৰুণ জেটলিৰ প্ৰতিকৃতি দাহ কৰে ।

উল্লেখ্য যে দেশৰ জনসাধাৰণৰ কষ্টৰ ধন আত্মসাৎ কৰি মেহুল চোকসী বিদেশলৈ পলায় যায আৰু বিদেশৰ পৰা অৰুণ জেটলিৰ জীয়েক সোণালী জেটলিৰ একাউন্টত ২৪ লাখ টকা পঠাই দিয়ে ।

ইয়াৰ বিৰুদ্ধে কোনোধৰণৰ ব্যৱস্থা গ্ৰহণ নকৰাত কেন্দ্ৰীয় চৰকাৰৰ বিত্তমন্ত্ৰী অৰুণ জেটলিৰ বিৰুদ্ধে বিলাসীপাৰা পশ্চিম সমষ্টিৰ যুৱ কংগ্ৰেছৰ সভাপতি ছাফিজুৰ ৰহমান (আলকাছ)ৰ নেতৃত্বত অৰ্ধশতাধিক যুৱকৰ্মীয়ে বিজেপি চৰকাৰ গ' বেক, ৰাহুল গান্ধী জিন্দাবাদ আদি শ্লোগানেৰে বিলাসীপাৰা চহৰত উত্তাল কৰি প্ৰতিবাদ সাব্যস্ত কৰাৰ লগতে মন্ত্ৰীগৰাকীৰ প্ৰতিকৃতি দাহ কৰে ।