বৰদলনিত গ্ৰামীণ জীৱিকা অভিযানৰ কাৰ্যালয় উদ্বোধন ৰণোজ পেগুৰ    

বৰদলনিৰ পৰা ললিত শইকীয়া

আজি বৰদলনি উন্নয়ন খণ্ডত উপস্থিত হয় ১১৩নং ধেমাজি (জনজাতি) বিধানসভা সমষ্টিৰ বিধায়ক ডাঃ ৰণোজ পেগু আৰু ধেমাজি জিলাৰ এ ডি চি উৎপল বৰা ।

উল্লেখ্য যে বৰদলনি উন্নয়ন খণ্ডৰ অন্তৰ্গত অসম ৰাজ্যিক গ্ৰামীণ জীৱিকা অভিযানৰ কাৰ্যালয়টি শুভ উদ্বোধন কৰে বিধায়ক ৰণোজ পেগুৱে ।

আনহাতে, বৰদলনি উন্নয়ন খণ্ড পৰিদৰ্শন কৰি খণ্ড বিষয়া বিপুল চমুৱাই কমৰ্চাৰীসকলৰ লগত ৰূপায়ণ কৰিবলগা আঁচনি সম্পৰ্কে আলোচনা কৰে ।

লগতে ৰাইজৰ অভাৱ-অভিযোগবোৰৰ বুজ লৈ সবিস্তাৰে আলোচনা কৰে যদিও পৰৱৰ্তী সময়ত কিমান কাৰ্যকৰী হয় সেয়া সময়তহে লক্ষণীয় হ'ব ।