গৌৰীপুৰত বৰেণ্য ব্যক্তিৰ ফটো উন্মোচন মিঞা পৰিষদৰ 

ধুবুৰীৰ পৰা আমিনুৰ আহমেদ

গৌৰীপুৰ বেপাৰীপট্টীস্থিত মিঞা পৰিষদৰ কাৰ্যালয়ত শ্ৰীমন্ত শংকৰদেৱ, জ্যোতিপ্ৰসাদ আগৰৱালা, বিষ্ণুপ্ৰসাদ ৰাভা, আজান ফকিৰ, প্ৰতিমা বৰুৱা পাণ্ডে, ভূপেন হাজৰিকা, চান্দসাই, বীৰ চিলাৰায় ইত্যাদি বৰেণ্য ব্যক্তিৰ ফটো উন্মোচন কৰি তেওলোকক সোঁৱৰণ কৰে ৷

মিঞা পৰিষদৰ কেন্দ্ৰীয় সভাপতি এম জি হাজৰিকাই কয় যে এইসকল বৰেণ্য ব্যক্তিয়ে জাতি-ধৰ্ম নিৰ্বিশেষে সকলোৰে লগত মিলাপ্ৰীতিত থাকি অসমীয়া জাতিটোক আগুৱাই নিছিল ৷

সেয়ে মিঞা পৰিষদে ভৱিষ্যতে এইসকল বৰেণ্য ব্যক্তিৰ আদৰ্শ আগত ৰাখি আগবাঢ়ি যাব বুলি উল্লেখ কৰে ৷

লগতে সাংবাদিকৰ এক প্ৰশ্নৰ উত্তৰত ৰাইজে বিচাৰিলে ভবিষ্যতে ৰাজনীতিত নামিব বুলিও এক তাৎপৰ্যপূৰ্ণ মন্তব্য কৰে হাজৰিকাই ৷