মৰিগাঁৱৰ পৰা জিতুমনি নাথ
মৰিগাঁও জিলাৰ ধৰমতুল থানাৰ অন্তৰ্গত আলিচিঙাৰ নেপালী বস্তিত প্ৰেমিকাৰ ঘৰৰ চৌহদত প্ৰেমিকৰ মৃতদেহ উদ্ধাৰ হোৱা ঘটনাই অঞ্চলটোত চাঞ্চল্য সৃষ্টি কৰিছে ।
ৰহস্যজনকভাৱে আত্মহত্যা কৰা প্ৰেমিকজন হৈছে সীমান্ত দাস (২৫) । জানিব পৰামতে, প্ৰেমিক আৰু প্ৰেমিকাৰ দুয়ো ঘৰৰ মাজত আদালতত গোচৰ চলি আছিল ।
ইয়াৰ মাজতে আজি পুৱা সন্দেহজনক অৱস্থাত প্ৰেমিকাৰ ঘৰৰ পিছফালে থকা এডাল গছৰ তলত ডিঙিত চিপ লৈ থকা অৱস্থাত সীমান্ত দাসৰ মৃতদেহ উদ্ধাৰ হয় ।
সীমান্ত দাসৰ পৰিয়ালৰ অভিযোগ এয়া পৰিকল্পিতভাৱে হত্যা কৰি আত্মহত্যাৰ ৰূপ দিছে । ইফালে মৃত সীমান্ত দাসে কেইদিনমান আগতে ফেচবুকত এক পোষ্ট দিয়া বুলি চৰ্চিত হৈছে ।
য'ত তেওঁ আত্মহত্যা কৰিম বুলি প্ৰকাশ কৰিছিল । প্ৰেমিকাক উদ্দেশ্যি দিয়া এই পোষ্টটোত সীমান্ত দাসে লিখিছিল যে তেওঁলোকৰ ঘৰৰ চৌহদতে আত্মহত্যা কৰিব । ঘটনাৰ প্ৰকৃত ৰহস্য উদ্ধাৰ হোৱা নাই যদিও আৰক্ষীয়ে ইতিমধ্যে ঘটনাৰ তদন্ত আৰম্ভ কৰিছে ।
আৰক্ষীৰ তদন্ততহে সমগ্ৰ ঘটনা পোহৰলৈ অহাৰ সম্ভাৱনা আছে ।
- Log in to post comments
- 52 views
