গৌৰীপুৰত গোলকগঞ্জ সমষ্টিৰ বিধায়ক অশ্বিনী কুমাৰ ৰায় সৰকাৰক সম্বৰ্ধনা

ধুবুৰীৰ পৰা আমিনুৰ আহমেদ

গৌৰীপুৰত লক্ষ্মীপূজাৰ দিনা পুৱাতেই আহিল ৰাইজৰ লক্ষ্মী ৷ আজি ৰাইজৰ লক্ষ্মী হিচাপে পৰিচয় পালে গোলকগঞ্জ সমষ্টিৰ বিধায়ক অশ্বিনী কুমাৰ ৰায় সৰকাৰে ৷

 সোমবাৰে অসম প্ৰদেশ বিজেপিৰ সভাপতি ৰঞ্জিত কুমাৰ দাস আৰু ৰাজ্যৰ মুখ্য মন্ত্ৰীয়ে গোলকগঞ্জ সমষ্টিৰ বিজেপিৰ বিধায়ক অশ্বিনী কুমাৰ ৰায় সৰকাৰক অন্যান্য পিছপৰা অনুসূচিত জাতিৰ উন্নয়ন নিগমৰ অধ্যক্ষৰ পদবী ঘোষণা কৰে ৷

 এই বাতৰি বিয়পি পৰাৰ লগতে গৌৰীপুৰ, গোলকগঞ্জ আনকি ধুবুৰী জিলাব্যাপি আনন্দ বিয়পি পৰে ৷ আজি গৌৰীপুৰ মণ্ডল বিজেপিৰ উদ্যোগত গৌৰীপুৰ পুথিভঁৰাল প্ৰাঙ্গণত এখন সম্বৰ্ধনা অনুষ্ঠানৰ আয়োজন কৰে ।

বিধায়কজনক সম্বৰ্ধনা জনোৱাৰ বাবে ধুবুৰী জিলাৰ বিজেপি কৰ্মীৰ মাজত হেতাওপৰা লগা পৰিলক্ষিত হয় ৷

 ইপিনে বিধায়কজনে গোটেই অসমত দৰিদ্ৰ শ্ৰেণীৰ লোকক সহায়-সহযোগ কৰাৰ সুযোগ লাভ কৰি নথৈ আনন্দিত হোৱাৰ কথা ব্যক্ত কৰে ৷