সোণাৰিৰ লুখুৰাখনত জোনাকী মেল সম্পন্ন

সোণাৰিৰ পৰা ঘন বৰা

অসমপ্ৰেমী যুৱ-ছাত্র সমাজ, অসম, চৰাইদেউ জিলাৰ সমিতিৰ উদ্যোগত আৰু বৃহত্তৰ লুখুৰাখন গাঁওবাসীৰ সহযোগত গীতিকবি পাৰ্বতী প্ৰসাদ বৰুৱাৰ অনুপম সৃষ্টিৰ জোনাকী মেল লুখুৰাখন ৰাজহুৱা খেলপথাৰত অনুষ্ঠিত হয় ।

বৰমেলুৱৈ মণি গগৈৰ পৰিচালনাত অনুষ্ঠিত জোনাকী মেলত উপেন ফুকন, লম্বোদৰ গগৈ, প্ৰাণপ্ৰতিম শইকীয়া, মুক্তানাথ নেওগ, ৰঞ্জন বসুমতাৰী, নৱ লাহন, অনন্ত গগৈ, কুঞ্জু শ্যাম আদি ব্যক্তিসকলে জোনাকী মেলৰ তাৎপৰ্য তথা গীত পৰিৱেশন কৰে ।

উক্ত অনুষ্ঠানত ছাত্র-ছাত্ৰীসকলে গীত, নৃত্য, কবিতা, অভিনয় আদিৰে অনুষ্ঠানটো অতি মনোগ্ৰাহী কৰি তোলে । পংকজ ৰাজখোৱাই আঁতধৰা জোনাকী মেলখনি উদ্ধোধন কৰে চৰাইদেউ জিলাৰ উপায়ুক্ত বিবেকানন্দ ফুকনে ।