মৰিগাঁৱত বিধ্বংসী অগ্নিকাণ্ড : লক্ষাধিক টকাৰ সা-সম্পত্তি ভস্মীভূত

মৰিগাঁৱৰ পৰা জিতুমণি নাথ

মৰিগাঁও চহৰৰ ঘনকান্ত বৰুৱা মহাবিদ্যালয়ৰ সমীপৰ ন ভেটিত মঙলবাৰে সন্ধিয়া প্ৰায় ৬মান বজাত সংঘটিত হয় এক ভয়াৱহ অগ্নিকাণ্ড । উক্ত অগ্নিকাণ্ডত দেবেশ বিশ্বাস নামৰ লোকজনৰ বাসগৃহটো সম্পূৰ্ণৰূপে ভস্মীভূত হয় ।

অগ্নিকাণ্ডৰ খবৰ পোৱা মাত্ৰকে দুখনকৈ অগ্নিনিৰ্বাপক বাহিনীৰ গাড়ী উপস্থিত হৈ জুই নিৰ্বাপিত কৰে যদিও জুই লেলিহান শিখাই দেবেশ বিশ্বাসৰ বাসগৃহৰ বিস্তৰ ক্ষতিসাধন কৰে ।

উক্ত অগ্নিকাণ্ডত কেইবা লক্ষাধিক টকা মূল্যৰ সা-সম্পত্তি জাহ যায় । অগ্নিকাণ্ডৰ সঠিক কাৰণ জানিব পৰা হোৱা নাই যদিও একাংশই বৈদ্যুতিক শ্বৰ্ট চাৰ্কিটৰ ফলত অগ্নিকাণ্ড সংঘটিত হয় বুলি সন্দেহ প্ৰকাশ কৰিছে ।