নগাঁৱৰ পৰা ঋতুপৰ্ণ শৰ্মা
নগাঁও জিলা প্ৰশাসন আৰু নগাঁও পৌৰসভাৰ ব্যৱস্থাপনাত শ্ৰীশ্ৰী দুৰ্গাপূজাৰ লগত সংগতি ৰাখি নগাঁও চহৰৰ দুৰ্গাপূজাৰ লগত জড়িত বিভিন্ন ধৰণৰ দিশ সামৰি সমিতিসমূহৰ মাজত প্ৰতিযোগিতা অনুষ্ঠিত হয় ।
চলিত বৰ্ষত প্ৰতিমাৰ শিতানত প্ৰথম পুৰষ্কাৰ লাভ কৰে থানাৰোডৰ নগাঁও ব্যৱসায়ী পূজা সমিতিয়ে । দ্বিতীয় আৰু তৃতীয় পুৰষ্কাৰ লাভ কৰে ক্ৰমে হয়বৰগাঁও যুৱক সংঘ পূজা সমিতি আৰু দক্ষিণ হয়বৰগাঁও বিবেকানন্দ পল্লী পূজা সমিতিয়ে ।
মণ্ডপৰ প্ৰথম তিনিটা স্থান লাভ কৰে ক্ৰমে নগাঁও বঙালী সন্মিলনী, নগাঁও হিন্দু মিলন মন্দিৰ আৰু নাজিৰাজান পূজা সমিতিয়ে । ইপিনে পোহৰ শিতানত জ্যোতি ফ্ল'ৰ মিল পূজা সমিতি আৰু পাৰিপাৰ্শ্বিকতাৰ শিতানত ৰাজস্থানী দুৰ্গাপূজা সমিতি, পৰম্পৰা শিতানত ফৌজদাৰীপট্টি সাৰ্বজনীন পূজা সমিতি আৰু নিয়ম-শৃংখলাত আমোলাপট্টি নাট্য মন্দিৰ পূজা সমিতি আৰু স্বচ্ছতা শিতানত ২নং পানীগাঁও কেঁচাআলি পূজা সমিতিয়ে শীৰ্ষ স্থান লাভ কৰে ।
- Log in to post comments
- 21 views