মানকাচৰত উদ্ধাৰ নিৰুদ্দিষ্ট যুৱকৰ মৃতদেহ : এজন সন্ধানহীন

ধুবুৰীৰ পৰা আমিনুৰ আহমেদ

মানকাচৰৰ বৌ বজাৰৰ অতি ঘন জংঘলত উদ্ধাৰ মৃতদেহ । শুকুৰবাৰৰ পৰা সন্ধানহীন হৈ আছিল দুজন যুৱক ৷ উদ্ধাৰ হোৱা মৃতদেহটো টেলঢালা গাঁৱৰ চোৰহাব আলীৰ পুএ ৰফিক আলী (১৭) আৰু নিৰুদ্দেশ হৈ থকা যুবকজন ৰবিউল শিকাদাৰ বুলি জানিব পৰা গৈছে ৷

যোবা নিশা পৰিয়ালৰ লোকে কালাপানী আৰক্ষী চকীত দুয়ো নিৰুদ্দেশ হোৱা বুলি এক গোচৰ ৰুজু কৰিছিল । কিন্তু আজি দিনৰ ভাগত গৰু চৰাবলৈ যোবা লোকে মৃত্যু দেহটো প্ৰথমে দেখা পাই আৰক্ষীক খবৰ দিয়াত ঘটনাস্হলীত মানকাচৰৰ আৰক্ষী আৰু অতিৰিক্ত আৰক্ষী অধীক্ষক উপস্থিতি হয় ।

মৃতদেহটো উদ্ধাৰ কৰি কালাপানী আৰক্ষী চকীত ৰাখি দেওবাৰে ধুবুৰীলৈ মণোত্তৰ পৰীক্ষাৰ বাবে প্ৰেৰণ কৰিব । কোনে কিয় ৰফিক আলীক হত্যা কৰিলে সেয়া এতিয়াও জানিব পৰা হোৱা নাই ।