গণকপুখুৰীত ভয়ংকৰ দূৰ্ঘটনা, দুজন আহত

গোলাঘাটৰ পৰা মীনাক্ষী ফুকন

কিছু সময়ৰ পূৰ্বে গোলাঘাট গণক পুখুৰী চাৰিআলি হেমচন্দ্ৰ গোস্বামী পথত পূজা মণ্ডপৰ সমীপত এক ভয়ংকৰ পথ দূৰ্ঘটনা সংঘটিত হয়। জানিব পৰা মতে, মটৰ চাইকেল আৰু স্কুটীৰ মুখামুখি সংঘৰ্ষত স্কুটী আৰোহী যুৱকজন গুৰুতৰভাৱে আঘাত প্ৰাপ্ত হয় । দুয়োজন যুৱক স্থানীয় বুলি জানিব পৰা গৈছে । অৱশ্যে ঢেকীয়াল আৰক্ষীয়ে দুয়োজন যুৱককে ততাতৈয়াকৈ যোৰহাট মেডিকেল কলেজলৈ প্ৰেৰণ কৰিছে ।