বিলাসীপাৰা জিলা সমিতিৰ উদ্যোগত অগপ দলৰ ৩৪ সংখ্যক প্ৰতিষ্ঠা দিৱস উদযাপন

বিলাসীপাৰাৰ পৰা জহিৰুল ইছলাম

সমগ্ৰ ৰাজ্যৰ লগতে বিলাসীপাৰা জিলা সমিতিৰ উদ্যোগত বিলাসীপাৰা বিবাহ ভৱন প্ৰাঙ্গণত দিন জোৰা কাৰ্য্যসূচীৰে অসম গণ পৰিষদ দলৰ ১৪ অক্টোবৰ তাৰিখ ৩৪ সংখ্যক প্ৰতিষ্ঠা দিৱস উদযাপন কৰা হয় । কাৰ্যসূচী অনুসৰি ৰাতিপুৱা ১০ বজাত দলীয় পতাকা উত্তোলন । পতাকা উত্তোলন কৰে বিলাসীপাৰা জিলা সমিতিৰ সভাপতি তথা বিলাসীপাৰা পূৱ সমষ্টিৰ প্ৰাক্তন বিধায়ক প্ৰশান্ত কুমাৰ বৰুৱাদেৱে ।

বন্তি জ্বলাই ছহিদ তৰ্পণ কৰে বিলাসীপাৰাৰ জেষ্ঠ অগপ কৰ্মী প্ৰনৱ দাসে । লগতে বিলাসীপাৰা জিলা সমিতিৰ বিভিন্ন পৰ্যায়ৰ কৰ্মীসকলৰ উপৰিও অসম আন্দোলনৰ বিলাসীপাৰাৰ ছহিদ পৰিয়ালৰ লোকে ফুল ধুপধুনাৰে শ্ৰদ্ধাঞ্জলি জনায় । ইয়াৰ লগত সংগতি ৰাখি বিলাসীপাৰা ছহিদ পৰিয়ালৰ মাজত ফুলাম গামোচাৰে সম্বৰ্দ্ধনা জ্ঞাপন কৰে । পাছত বিলাসীপাৰা জিলা সমিতিৰ সভাপতি প্ৰশান্ত কুমাৰ বৰুৱাদেৱৰ সভাপতিত্ব অগপৰ ৩৪ সংখ্যক প্ৰতিষ্ঠা দিৱস উদযাপন উপলক্ষে এখন সভা অনুষ্ঠিত হয় ।

সভাত অগপৰ বিলাসীপাৰা জিলা সমিতিৰ বিভিন্ন পৰ্যায়ৰ কৰ্মীসকলে অগপৰ ৩৪ সংখ্যক প্ৰতিষ্ঠা দিৱস উদযাপন সম্পৰ্কে ভাষণ প্ৰদান কৰে । উক্ত সভাত পাঁচ শতাধিক বিলাসীপাৰা জিলা সমিতিৰ কৰ্ম-কৰ্তাসকলৰ লগতে বিলাসীপাৰা পূৱ আৰু পশ্চিম সমষ্টিৰ আঞ্চলিক সমিতিৰ কৰ্মীসকলে উপস্থিত থাকে ।