মানকাচৰত অসম গণ পৰিষদৰ ৩৪ সংখ্যক প্ৰতিষ্ঠা দিৱস পালন

ধুবুৰীৰ পৰা আমিনুৰ আহমেদ

দক্ষিণ শালমাৰা-মানকাচৰ জিলাৰ মানকাচৰৰ অৱস্থিত দক্ষিণ শালমাৰা-মানকাচৰ জিলা অসম গণ পৰিষদ দলৰ কাৰ্যালয়ত দেওবাৰৰ দিনা অসম গণ পৰিষদ দলৰ ৩৪ সংখ্যক প্ৰতিষ্ঠা দিৱস পালন কৰা হয় । সেই উপলক্ষ্যে দক্ষিণ শালমাৰা-মানকাচৰ জিলাৰ বিভিন্ন আঞ্চলিক কমিটিৰ বিষয়-ববীয়া অসম গণ পৰিষদৰ জিলা মুখ্য কাৰ্যালয়ত উপস্থিত হৈ দলীয় পতাকা উত্তোলন কৰে । দক্ষিণ শালমাৰা-মানকাচৰ জিলা অগপ দলৰ সভাপতি মোবাৰক হুছাইনে ৰাতিপুৱা ১১ বজাত দলীয় পতাকা উত্তোলন কৰাৰ লগতে অসমৰ স্বাধীনতা আন্দোলনৰ হকে প্ৰাণ আহুতি দিয়া ছহিদক প্ৰণাম জনাই ছহিদৰ বেদীত বন্তি প্ৰজ্বলন কৰি মাল্যাৰ্পণ কৰে ।

আনকি কেবা শতাধিক দলীয় কৰ্মী আৰু বিষয়ববীয়াৰ উপস্থিতিত অগপৰ জিলা কাৰ্যালয়ত জিলাখনৰ দলীয় সভাপতি মোবাৰক হুচাইনৰ সভাপতিত্বত এখন সভা অনুষ্ঠিত কৰা হয় । সভাখনত অগপ দলৰ কেইবাগৰাকী বিষয়ববীয়াই ভাষণ প্ৰদান কৰি আগন্তক পঞ্চায়ত নিৰ্বাচন আৰু লোকসভা নিৰ্বাচনত দলীয় স্থিতি সৱল কৰিবলৈ দলীয় কৰ্মী আৰু সতীৰ্থক আহ্বান জনায় ।