গুৱাহাটী প্ৰেছ ক্লাৱত "সংস্কৃতি" নাটক আৰু চিত্ৰ ভাস্কৰ্য বিষয়ক আলোচনী উন্মোচনী

গোলাঘাটৰ পৰা মীনাক্ষী ফুকন

আজি গুৱাহাটীৰ প্ৰেছ ক্লাৱত অসমৰ বিশিষ্ট নাট্যকৰ্মী, কবি, চিত্ৰ ভাস্কৰ্য শিল্পী তথা সাংস্কৃতিক কৰ্মীৰ উপস্থিতিত এখনি নাটক, চিত্ৰ ভাস্কৰ্য বিষয়ক ছমহীয়া আলোচনী উন্মোচন হয় । অসমৰ বিশিষ্ট কবি, সাহিত্যিক জনাৰ্দ্দন গোস্বামী মুখ্য সম্পাদক আৰু বিশিষ্ট নাট্যকৰ্মী পবিত্ৰ ৰাজখোৱাৰ সম্পাদনাত আজি উন্মোচন হোৱা আলোচনীখনৰ প্ৰথম সংখ্যাত মৃণাল শৰ্মা, হিল্লোল কুমাৰ পাঠক, সমুদ্ৰ কাজল শইকীয়া, কুশল ডেকা, জ্যোতিপ্ৰসাদ ভূঞা, মুকুল ঈদিপাছ, ডাঃ জাহানাৰা বেগম, অজন্তা তালুকদাৰ আদিয়ে নাট্য চৰ্চা, চিত্ৰ ভাস্কৰ্য বিষয়ক বিভিন্ন লিখনীয়ে আলোচনীখনক এক অনন্য মাত্ৰা প্ৰদান কৰিছে । উল্লেখ্য যে, উক্ত  বিষয় কেন্দ্ৰিক আলোচনীৰ প্ৰকাশ অসমত এক শূণ্য স্থান বুলি কোৱাৰ সময়তে এই আলোচনীখনৰ শুভ উন্মোচনে অসমৰ সাংস্কৃতিক ক্ষেত্ৰখনত এক আশাৰ সঞ্চাৰ কৰিব বুলি কব পাৰি ।