নাহৰকটীয়াৰ চেঙেলিজানত উদ্ধাৰ গাড়ীচালকৰ মৃতদেহ 

নামৰূপৰ পৰা সমীৰণ বৰুৱা

নাহৰকটীয়াৰ জয়পুৰ চেঙেলিজানত মৃতদেহ উদ্ধাৰ । স্হানীয় কেইগৰাকীমান মহিলাই দোকানলৈ যাওঁতে প্ৰত্যক্ষ কৰে মৃতদেহটো । মৃতদেহটোৰ কাষত ৰছী আৰু মৃতদেহটোৰ কাপোৰ ফাটি থকা দেখি এইটো এটা পৰিকল্পিত হত্যাকাণ্ড বুলি সন্দেহ কৰে স্থানীয় ৰাইজে ।

কোনোবা দুৰ্বৃত্তই হত্যা কৰি পেলাই থৈ যোৱা বুলি আৰক্ষী বিষয়া জানিবলৈ দিয়ে । উদ্ধাৰ হোৱা মৃতদেহটোৰ পৰিচয় পিছত উদ্ধাৰ হয় । ব্যক্তিজন ডিগবৈৰ গাড়ীচালক দেৱনন্দ বুঢ়াগোহাঁই ।

বৃহস্পতিবাৰে পুৱা তেওঁক কেইজনমান যুৱকে ডুলীয়াজানলৈ ৰোগী থ'বলৈ ভাড়া কৰিছিল । অৱশ্যে এতিয়াও সন্ধান পোৱা নাই তেওঁৰ এ এছ-২৩ এছ-৭৩৯৫ নম্বৰৰ মাৰুটি ভেনখনৰ ৷