সোণাৰিৰ নামতোলাত পিষ্টলসহ এন এছ চি এন কেডাৰ আটক

সোণাৰিৰ পৰা ঘন বৰা

অসম-নাগালেণ্ড সীমান্তৱৰ্তী সোণাৰিৰ নামতোলাত সোণাৰিৰ ১৯ ৰাজপুত সেনাবাহিনীয়ে অভিযান চলাই এন এছ চি এন (আই এম)ৰ এজন সদস্যক আটক কৰে । সোণাৰিৰ নামতোলাত বাহৰ পাতি থকা ১৯ ৰাজপুত সেনাবাহিনীৰ এটা দলে গোপন সূত্ৰৰ ভিত্তিত  চলোৱা এক অভিযানত আটক হয় এন এচ চি এনৰ সদস্যজন ।

আটকাধীন নগা উগ্ৰপন্থী সদস্যজন নাগালেণ্ডৰ মন জিলাৰ লংখু বস্তিৰ ৱাংলাই কন্যাক । উল্লেখ্য যে অসম-নাগালেণ্ড সীমান্তৱৰ্তী চৰাইদেউ জিলাৰ নামতোলাত দীৰ্ঘদিন ধৰি ধনদাবীত জড়িত আছিল ধৃত কেডাৰজন। ধৃত কেদাৰজনক নামতোলাৰ আৰক্ষীয়ে জেৰা অব্যাহত ৰাখিছে ।