সৰুপথাৰ সমষ্টিৰ থুৰাজানত মদমুক্ত বাহিনী গঠন

গোলাঘাচৰ পৰা মীনাক্ষী ফুকন

আজি সৰুপথাৰ সমষ্টিৰ থুৰাজানত গঠ নহ'ল মদমুক্ত বাহিনী ৷ এই উপলক্ষে অনুষ্ঠিত সজাগতা-প্ৰতিবাদী সভাত বগীজান আৰক্ষীৰ গোপন মিতিৰালিৰে চলি থকা মদ বেপাৰীৰ বিৰুদ্ধে তীব্ৰ অভিযান আৰম্ভ কৰাৰো হুংকাৰ দিয়ে মদমুক্ত অসম দাবী সমিতিৰ গোলাঘাট জিলাৰ সম্পাদিকা ৰিকুমণি ৰাজখোৱাই ৷

চাহ জনজাতি ছাত্ৰ সন্থাৰ বিষয়ববীয়া, ২নং থুৰাজান বন্দনা মহিলা সমিতি, থুৰাজান মুক্তি মহিলা সমিতিৰ বিষয়ববীয়াৰ লগতে অঞ্চলটোৰ শতাধিক পুৰুষ-মহিলাৰ উপস্থিতিত হোৱা সভাখনত সুৰামুক্ত অসমৰ পোষকতা কৰি মদৰ বিৰুদ্ধে তীব্ৰ সংগ্ৰাম চলাই যাব বুলি সকলোৱে মতপোষণ কৰে ৷