দুৰ্ঘটনাত নিহত নগাঁও জিলা অগপৰ উপ-সভাপতি বিনন্দ নাথ

ৰহাৰ পৰা কুঞ্জ কাকতি

ৰহাত পুৱাতেই ৩৭নং ৰাষ্ট্ৰীয় ঘাইপথত সংঘটিত হয় এক ভয়ংকৰ পথ দুৰ্ঘটনা ৷ অচিনাক্ত বাহনৰ খুন্দাত নিহত হয় প্ৰাতঃভ্ৰমণলৈ অহা এজন পথচাৰী ৷ নিহত লোকজনৰ নাম বিনন্দ নাথ ৷

বিনন্দ নাথে প্ৰাতঃভ্ৰমণলৈ আহোঁতেই নগাঁও অভিমুখী এখন অচিনাক্ত বাহনে পিছফালৰ পৰা প্ৰচণ্ড জোৰত খুন্দা মাৰে ৷ ফলত গুৰুতৰভাৱে আহত বিনন্দ নাথক নগাঁও অসামৰিক চিকিৎসালয়লৈ নিয়া হয় যদিও চিকিৎসকে মৃত ঘোষণা কৰে ৷

ৰহা ৰাজাগাঁৱৰ বিনন্দ নাথ নগাঁও জিলা অসম গণ পৰিষদৰ উপ-সভাপতি পদত কাৰ্যনিৰ্বাহ কৰি থকাৰ লগতে অসম প্ৰাদেশিক যোগী সন্মিলনীৰ যুটীয়া সম্পাদক পদত কাৰ্যনিৰ্বাহ কৰি আছিল ৷

বিনন্দ নাথ ৰহা মহাবিদ্যালয়ৰ ছাত্ৰ একতা সভাৰ প্ৰাক্তন সাধাৰণ সম্পাদক আছিল আৰু অসম আন্দোলনৰ সময়তো অগ্ৰণী ভূমিকা গ্ৰহণ কৰিছিল ৷ বিনন্দ নাথৰ আকস্মিক মৃত্যুত বিভিন্ন দল-সংগঠনে শোক প্ৰকাশ কৰিছে ৷