গোলাঘাটত বাণিজ্য মহাবিদ্যালয়ৰ ৪৬ সংখ্যক প্ৰতিষ্ঠা দিৱস পালন

গোলাঘাটৰ পৰা মীনাক্ষী  ফুকন
আজি গোলাঘাটৰ অন্যতম গোলাঘাট বাণিজ্য মহাবিদ্যালয়ৰ ৪৬ সংখ্যক প্ৰতিষ্ঠা দিৱস পালন কৰা হয় । সেই উপলক্ষে পুৱাৰ ভাগত পতাকা উত্তোলন কৰে মহাবিদ্যালয়ৰ অধ্যক্ষ ডঃ যতীন্দ্ৰ নাথ শইকীয়াই । ইয়াৰ পিছতে মহাবিদ্যালয়খনৰ প্ৰতিষ্ঠাপক অধ্যক্ষ প্ৰয়াত পুনাৰাম নেওগৰ প্ৰতিমূৰ্তিত বন্তি প্ৰজ্বলন কৰে উপাধ্যক্ষ লক্ষীধৰ  শইকীয়াই । লগতে ছহিদ তৰ্পণ কৰে অধ্যাপক পৰেশ শইকীয়াই ।  

প্ৰতি বৰ্ষৰ দৰে এই বৰ্ষত প্ৰয়াত উপাধ্যক্ষ, পূৰ্বৰ পৰিচালনা সমিতিৰ সভাপতি চন্দ্ৰ গগৈৰ পৱিত্ৰ স্মৃতিত তেখেতৰ পৰিয়ালে আগবঢ়োৱা শ্ৰেষ্ঠ স্নাতকৰ বঁটাটি লাভ কৰে পূৰ্ণিমা গগৈয়ে । উক্ত বঁটাটিত প্ৰশস্তি-পত্ৰৰ লগতে নগদ ১০ হাজাৰ টকা আগবঢ়োৱা হয় । ইয়াৰ পিছতে মহাবিদ্যালয়খনৰ অৱসৰ প্ৰাপ্ত শিক্ষক-কৰ্মচাৰীসকলক আনুষ্ঠানিক সম্বৰ্ধনা জ্ঞাপন কৰে ।