লাহৰীঘাটৰ ৰংৰাই চাপৰিত এছ টি এফৰ অভিযানত ২ চোৰাং চিকাৰী নিহত

মৰিগাঁও জিলাৰ ভেলোগুৰি থানাৰ অন্তৰ্গত ৰংৰাই চাপৰিত সোমবাৰে নিশা এছ টি এফ বাহিনীয়ে এক বিশেষ অভিযান চলায় । অভিযানকালত আৰক্ষীৰ সৈতে চোৰাং চিকাৰীৰ সংঘৰ্ষত দুজন চোৰাং চিকাৰী থিতাতে নিহত হয় ।

নিহত চিকাৰী দুটাৰ পৰা এটা ৩০৩ ৰাইফল, কাৰ্টিজ, টিউবকে আদি কৰি অন্যান্য সামগ্ৰী আৰক্ষীয়ে উদ্ধাৰ কৰে । মৰিগাঁও আৰক্ষীৰ সৈতে গুৱাহাটীৰ পৰা অহা ২০জনীয়া এছ টি এফ বাহিনীৰ যুটীয়া অভিযানত আৰক্ষীৰ লোক আঘাতপ্ৰাপ্ত হোৱা নাই বুলি জানিব পৰা গৈছে ।

আৰক্ষীয়ে অচিনাক্ত চিকাৰী দুটাৰ মৃতদেহ পুৱা মৰিগাঁও জিলালৈ প্ৰেৰণ কৰে ।