পূজা উপলক্ষে গোলাঘাটৰ ডেউকা নাট্য বিদ্যালয়ৰ বস্ত্ৰ বিতৰণ

গোলাঘাটৰ পৰা মীনাক্ষী ফুকন

২০১৬ চনত প্ৰতিষ্ঠা হোৱা গোলাঘাটৰ একমাত্ৰ ডেউকা নাট্যবিদ্যালয়ে আজি গোলাঘাটৰ বাটা পইণ্টত বস্ত্ৰ বিতৰণ কৰি সমাজলৈ এক সুন্দৰ বাৰ্তা বহন কৰে । প্ৰধানকৈ সামাজিক-অৰ্থনৈতিকভাৱে পিছপৰা কণ কণ শিশুসকলক পূজা উপলক্ষে এই কাৰ্যসূচীৰে পূজা উদ্‌যাপনৰ বাবে সহায়ৰ হাত আগবঢ়ায় নাট্য বিদ্যালয়খনে ।

কেৱল সমাজৰ এচাম শিশুৱে পূজা ধুমধামেৰে উদ্‌যাপন কৰাৰ সময়তে অধিকাংশ শিশুয়ে জীৱন-জীৱিকাৰ তাগিদাত পূজাৰ মাদকতা বিচাৰি নাপায় । সেইসকলে কেৱল যেন এক সপোন দেখে পূজা উদ্‌যাপনৰ ।

আজি তেনে শিশু প্ৰায় ৬০জনক ডেউকাৰ প্ৰশিক্ষাৰ্থীসকলে ফ্ৰক, টি শ্বাৰ্ট, হাফ পেণ্ট, গেঞ্জী, আদি বিতৰণ কৰি পূজা উদ্‌যাপনৰ বাবে আহ্বান জনাই এক বন্ধুত্ববোধৰ পৰিচয় দিয়ে ।