বটদ্ৰৱাত বাইক আৰু টেম্প'ৰ মুখামুখী সংঘৰ্ষ : আহত ৮

নগাঁৱৰ পৰা ঋতুপৰ্ণ শৰ্মা

নগাঁও জিলাৰ বটদ্ৰৱা সতী ৰাধিকা চাৰিআলিত সংঘটিত এক পথ দুৰ্ঘটনাত ৮জন লোক আহত হয় । ঘটনাৰ বিৱৰণী মতে, শনিবাৰে সন্ধিয়া ৬ বজাত বটদ্ৰৱাৰ পৰা বাটমাৰী অভিমুখে গৈ থকা এ এছ-০২ এছ-১৭৩৬ নম্বৰৰ টিভিএছ এপাচী মটৰচাইকলখনে বটদ্ৰৱা থানৰ দিশে গৈ থকা এ এছ-০২ বি চি-৪৭১১ নম্বৰৰ টেম্প'খনক সন্মুখৰ পৰা খুন্দা মাৰে ।

সংঘৰ্ষৰ ফলত বাইক আৰোহী আকিৰুল হক, আছাদুল ইছলামৰ লগতে টেম্প' আৰোহী জহিৰুল ইছলাম, আশ্বিকুল ইছলাম (শিশু), আনোৱাৰা বেগম, আফিয়া বেগম, আব্দুল ৰশ্বিদ, দিম্পী বৰা আহত হয় । পাছত ঘটনাস্থলীত আৰক্ষী উপস্থিত হৈ আহতসকলক চিকিৎসালয়লৈ প্ৰেৰণ কৰে ।