গোলাঘাটত পুনৰ ড্ৰাগছসহ দুজন আটক

গোলাঘাটৰ পৰা নিলাক্ষী ফুকন

গোলাঘাট চহৰত ক্ৰমাৎ বৃদ্ধি পোৱা ড্ৰাগছৰ ব্যৱসায়ে যুৱ প্ৰজন্মক বিপথে পৰিচালিত কৰাৰ লগতে ড্ৰাগছ সৰবৰাহৰ কেন্দ্ৰস্থল হৈ পৰাৰ পৰিপ্ৰেক্ষিতত গোলাঘাট আৰক্ষীয়ে কিছুদিনৰ পৰা বিশেষ তৎপৰতা গ্ৰহণ কৰাত কালি তিনিজন ড্ৰাগছ সৰবৰাহকাৰী আটক কৰাৰ পিছতে আজি পুনৰ দুজনকৈ যুৱক ড্ৰাগছ সেৱন কৰি থকা অৱস্থাত হাতে-লোটে আটক কৰিবলৈ সক্ষম হ'য় ।

গোলাঘাটৰ বেঙেনাখোৱা অঞ্চলৰ শ্যাম বৰা আৰু সীমান্ত বৰা নামৰ যুৱক দুজনক এক গোপন সুত্ৰৰ পম খেদি উক্ত নিচাযুক্ত সামগ্ৰী সেৱন কৰি থকা অৱস্থাতে আটক কৰে আৰক্ষীয়ে । গোলাঘাট আৰক্ষীৰ এই তৎপৰতাত গোলাঘাটৰ ৰাইজে শলাগ লোৱাৰ লগতে এই ড্ৰাগছ বিৰোধী অভিযান অব্যাহত ৰাখিলে আগন্তুক সময়ত অধিক ব্যৱসায়ী তথা সেৱনকাৰী আৰক্ষীৰ জালত পৰাটো খাটাং বুলি মত প্ৰকাশ কৰে।