জাজৰিত পিষ্টলসহ যুৱক আটক

নগাঁৱৰ পৰা ঋতুপৰ্ণ শৰ্মা

নগাঁৱৰ জাজৰি আৰক্ষীৰ অভিযানত আটক কৰা হ'ল পিষ্টলসহ এজন যুৱক । ধৃত যুৱকজন গুণীন শৰ্মা বুলি চিনাক্ত কৰা হৈছে । এক গোপন সূত্ৰৰ পম খেদি জাজৰি আৰক্ষীৰ ভাৰপ্ৰাপ্ত বিষয়া প্ৰবীণ ভড়ালীৰ নেতৃ্ত্বত যোৱা আৰক্ষীৰ এটা দলে দেওবাৰে মাজ জাজৰি অঞ্চলৰ পৰা এটা হস্তনিৰ্মিত পিষ্টলসহ আটক কৰে যুৱকজনক । লগতে আৰক্ষীয়ে যুৱকজনৰ পৰা এখন চুৰিকে ধৰি চোকা অস্ত্ৰও উদ্ধাৰ কৰিছে ।

জানিব পৰা মতে, মাজ জাজৰি নিবাসী তুলসী শৰ্মাৰ পুত্ৰ ধৃত গুণীন শৰ্মা পূৰ্বতেও বিভিন্ন অপৰাধমূলক কাৰ্যৰ সৈতে জড়িত আছিল । বৰ্তমান আৰক্ষীয়ে ধৃত অপৰাধীটোক জাজৰি আৰক্ষী থানাত মাৰাথান জেৰা চলাই আছে ।